 Yoo Alla yurmo-mo, yaafoo-mo Dennaangal ɓesngu fulɓe ina njogii sunaare mawnde e saŋkaare neene men Sinnaa Baydi ñaŋ. Oon woni yumma mum Ibrahiima saar mo (Pulaagu.com). O rutttiima e joomiiko weetndoogo Dewo Ho're-Biir 25 Siilo 2009. O wirnaama ñalnde heen to Cubalel Laaw, leydi Senagaal. Omo yahratno e duuɓi 70. Kaŋko neene men Sinna Baydi Ñaŋ, O yiyi aduna ko e hitaande 1939 to Tiwaawoon, Senegaal. Omo acci barke caggal makko rewɓe e worɓe. Ko dewbo sagata wonno jiɗnooɗo jangde, ko ɗum waɗi ɓesngu makko fof o jannginii ɗum, ko haaliyaŋke mawɗo o wonnoo, e teskaade geɗe keewɗe ɗe Saar haalata hocci ko e hunuko makko, teddinɗo ɗemngal mum, O wuuriino e gure teeru ɗee, kono so wonaa pulaar o nanaani. E mo heewnoo wi'de sukaaɓe makko: tiɗno-ɗee e ko'e mon neɗɗo ñaametaake yaretaake. Ko nafoore tan woni fotde ɗo mum.
Ibraahiima Saar haaliino e Maanditaare Pulaagu.com wonde so o daraniima Pulaagu, ko tawde yumma makko ena yiɗi ngal, ena haala mbelka e lugga e maggal. Kadi, yumma oo ko jaŋde tan wiyi sukaaɓe mum yoo toppito. hay so duɗal ena woɗɗi, o nawat ɓiyɓe makko too, o woppida ɗum en e tumaraŋkooɓe yoo njaŋngu. Woni debbo heen, gorko heen, ɓiyɓe makko kala o daraniima yoo njaŋngu. Ndeka yiɗde Ibraahiima jaŋde, haa teeŋti e Pulaar ko ko tawaa ɗo yumma makko e baaba makko-en ɗoo. Goomu Pulaagu.com , Yaakaare.com . mbiimi.com, Peeral.com e dennaangal pedle ngenndiyaŋkooje ina nelda Ibiraahiima Saar duwaawujji e ndee ɗoo ustaare mawnde. En nduwaniima Baaba mum Ibraahiima hono Alajji Malal Abbaas Saar e banndiraaɓe Fuuta-Tooro fof e ndee ustaare muusnde, nde woodnoo o lelaaki, o faawngaani. Yoo toon won fooftorde makko, Faatimata Binta o wona njaatige makko, Aljanna toowɗo wonana mo jipporde. Aamiin 

|
|
|
USTAARE LEÑOL !!!
Ecrit par: Abdul Amadu kelli (Invit ) le 17-03-2009 19:51
ndee ɗoo ustaare noon ko ustaare Leñol ngol kala,gila Afrik,haa Orop e Amerik...e kala ɗo biy Pullo,walla ngenndiyankooɓe ngoni,ene neldii ɗum en duwaaw e ndee ɗoo ustaare,yoo Geno hiɓɓan en ndee yolnde.
» Signaler ce commentaire l'administrateur