aala maayii! E weetndoogo hee, en keɓii wortaade tigilde nde en meeɗaa waɗde hono mum. Mi lolliniio postol e Facebook ngam woytaade horaade-mi gaynude nde, Alla e mayre toosde! Mi ɓil ɗo toowi sabu hatojinde e jiiɓde hakkillaaji mon e muusnude koye. Mi tuufiima hoore am ndeke mi tinaani sabu waɗii balɗe ko korii-mi wortaande. Oɗon nganndi oon bannge mi alaa njurum hay seeɗa! Tee min tan teyi! Ko mbaaw-ɗon heen? Miɗo anndi saaysayeeɓe wayɓe hono Hammadi Jah (jaagaraf maɓɓe, mmj) nana leewoo tan gila habraa tigilde ndee nana ara! Leewaali noon e wanngaade, yo a taw aɗa hoolii kuɗol, ndo, doombru maa. Bajo ko neɗɗo waawi fof ndee kam jeelaani. Ko goonga nde juutii tadfe, kadi nde toosii konngi, kono dakamme oo ko ɗoon tigi woni.

Tigilde ndee ena waɗi hakke 340 helmere, ko meeɗaa yiyeede e tigille lowre Pulaagu! Haa jooni en njokkii e yiɗde addande renndo ngoo ciifti ɓurɗi welde, ɓurɗi wirnaade e mettude yiytude ngam seeɓnude ngaanndi mo woni kala. Pulaar ena wondi e ngalu pattamlamu wonande no ɗemngal  huutoraa ngam asde ɗo ɓuri luggiɗde e maanaaji walla ɓuƴde ngal haa maanaaji caɗa ejde.Oɗon nganndi heewɓe ena mbiya paamaani no tigilde jiiɓtirtee. Ɓeen fof ena mbasiyaa yoo ndaar oo widewoo HOL NO TIGILDE JIÑTIRTEE?.

So ɗum ɓennii kadi ko ordinateer ɗee tigille mbaɗanaa. Eɗe caɗi yiyde e cinndel. Kono oɗon mbaawi yaltinde e ɗerewol so dobaade e winnditorde wonnde les ɗoo ndee. Oon sahaa, kawron e kuɗol mon ngam waɗirde junngo. Heewɓe ko noon ɓuri yiɗirde.

Jooni noon ɗum fof ko haa haala juuta. Coodoyee poɗɗe pasooje, kam e musuwaaruuji sabu gonɗi haame maa keew. On kawraani heen goree! Miin deh mi abbiima dow. Miɗo meeroo tigilde lewru faandu nduu. Hade ndeen, yoo Alla hokku en jokkude e gollɗe ɗee, e ballal mon Fulɓe yontaaɓe e yiɗɓe Pulaar!