usidɓe tedduɓe, Fulɓe yontaaɓe e ɓe ngonaa Fulɓe nanooɓe ngal, onon fof on calminaama kadi teddungo. On nduwanaama moƴƴe Alla e kuuɓal tawa ena wondi e coftal e darnde ngam toownude ngal ɗoo ɗemngal haa ɓeydoo toowde! Waɗii hannde duuɓi ko eɗen ngaddana renndo Pulaariyaŋkooɓe ngal coftal nganndi ngam ɓeydude ceeɓeendi hakkillaaji, yanti heen waɗdude tuktukordu e kelme ɓurɗe luggiɗde e wirnaade. Ɗum fof ko e tiiɗtinde ganndal ɗemngal men et wallude janngooɓe e annduɓe yiytondirde e konngi ɗi meeɗaa walla mbayri nande!

Ko ɓuri heen tiiɗde koo ko naattinde tigilde e nder teknologii haa jiɓtiyaŋjooɓe, ɓeen tigihekmiyaŋkooɓe saasɓe mbaawa huutoraade kaɓirɗi cinnde walla ordinateeruuji ngam jiɓtude tigille ɗee tawa ko e mbaydi tolbec e geese. Ɗum ko taaɓal mawngal sanne sabu so en ƴeewii gile tigilde kelme yaltinaa e jaaynde men ɓooynde hono Konngol Kawtal, hannde ɗum ɓeydiima anndeede e yaajde sabu geese e laylayte renndo ɗee. Kono haa jooni eɗen njiɗi ɓosde ngam waɗtude ɗum jaaɓngal (Application) mo nganndu-ɗaa ena waɗi tigille keewɗe, ɗo ngon-ɗaa fof aɗa waawi huɓɓude cinndel maa ngonaa e jiɓtude! Eɓɓoore ndee ko jooni woni e miijeede no siynirtee, kono ko e paandaale men jeyanoo gila ko ɓooyi.

Ko goonda terde boje sappo saawol gootol so joom mum hortaaki kam lehat! Eɓɓooje ena mbayi tan no ɓakke! Kagguuji fof ko keewii ɗereeji puɗɗaaɗi, ɗaminaaɗi jokkeede ɗoo e hay gooto anddaa mande! Kono eɗen ɗaminii kam Hurminde golle ɗee ɗoo e hitaande darotoonde ndee.

Misidɓe tedduɓe, tigilde men nduu lewru ena ferti sanne! Eɗen nduwoo nde keɓɓoto-ɗon nde e dow jam. Ladi hoto ŋañño-ɗee, jiiɓtee haa laaɓa, ndeldon natal jiiɓtol ngol e Facebook am walla WhatsApp. Leewaali keewɗi ɗii noon, mi alaa heen. Ko wayi no baab'mum gooƴi en keɓat Facebook tan ena piytoo wecco tawa hay gootol meeɗaa hollude golle mum e tigilde ndee.

Kawree e kuɗi, ndo, ɓee ɓe doombi (PC/Mac), ɓee ɓe peɗeeli (Taable, walla cinnde kono tigilde ndee ena metti waɗde e ko wonaa ordinateer).

Winndannde ndee ena jokkii e Facebook ngam mbaawen wostondirde heen miijooji e hakkillaaji. Oɗon ñaagaa yo on mbaɗ jowe mon les wonande jogiiɓe Facebook. Oɗon mbaawi kadi wostondirde baɗte ciforɗe ɗee walla kelmeendi. Yoo Geno won ballo!

Tigilde ndee nani ɗoo:

 

 

Oɗon mbaawi yaltinde tigilde ndee e ɗerewol ngam jiñtirde junngo.

Vous pouvez imprimer la grille pour la résoudre à la main.