anngo
so Alla jaɓii laaɗe ena kaya hakkunde yontaaɓe Fulɓe ɗo e France (Pari)
ngam suɓaade ɓurɗo yonteede, fiilee lefol Paɗɗo Fulɓe, Miss Peul
Diaspora! Ko hikka waɗtata laabi joy fedde jokkere enɗam Association
Jontaaɗo ena yuɓɓina cuɓngal Paɗɗo Fulɓe ɗoo e Farayse. Paɗɗondiral
Fulɓe ko gootal e joljole pinal Fulɓe ɓurɗe mawnude, so wonaa ɓurngal
mawnude e darjude e leydi France. Waɗi noon ko leƴƴi ɗii fof keewi
nootitaade e maggal.
Hakkunde sukaaɓe jibinaaɓe ɗoo ɓee ena waɗi pasiraagal e jokkere enɗam hay so ɓe njeydaaka e leydi ngootiri. Leydeele keewɗe ngati ena njuɓɓina ko wayi nih ngam toɗɗaade ɓurɗo yooɗde. Ena woodi Miss mo Gine, mo Maali, kono Miss Peul ko eɓɓoore nde noddaani tan mbaaadi e ɓoornuki debbo. Ko adii fof kamɓe fooɗondirooɓe saccoore ndee alaa e sago ɓe njogoo eɓɓoore nde ɓe pewjanta renndo Fulɓe tawa ena waɗani leñol ngol nafoore. Ɗuum ena jeyaa e ko ɓuri teeŋtude e njuɓɓudi ndii. Sabu, yooɗde tawa naftaani leñol mum won ko ŋakki heen. Eɓɓooje keewɗe ciynaama e duuɓi ɓennuɗi ɗii. Eɓɓoore adannde siynaande to Nguy e Pete ko hare faatunde e kaddingol sukaaɓe rewɓe (Faatu Bah, 2013). Rewi heen ko hare sibbirooji to Mboolo Biraan (Wuuri Bah, 2014). E hitaande 2015 eɓɓoore ndee wonnoo ko peeje keɓagal ndiyam keelɗam (Habii Jallo, 2015). Ɓee ɗoo kala njehii to leyɗeele men ngam nawde toon eɓɓooje ɓamtaare e ƴellitgol ngonkaaaji ɗiin nokkuuji. Ko ɗum waɗi Miss Peul Diaspora wonde joljolal potngal semmbineede.
Hikka noon, paɗɗondiral ngal ena jogori welde sabu fedde ndee "fooftinooma" hitaande, ngam yuɓɓitinde golle e peeje mayre. E wiyde hooreejo fedde Jontaaɗo, ena jogori welde sabu ko ɓe pewjani en to bannge welo-welo e sooboyoobo ena mawni sanne! Ko adii fof ko kalɓe fooɗondirooɓe lefol ngol njogii ginol ngol. Ɓe puɗɗiima heblaade gila ko ɓooyi ngam ekkaade ngamri, ñaaƴal e jaɓɓal jooɗngal. Janngo ɓe kolla renndo ngoo ko woni e basu, kono e ko puɗɗi-ɗen taweede, ko huunde hooɗnde sanne! Guulaali maa ngullu, kelle maa poɓɓu! So Alla jaɓii ma mi tawtore, kadi mi addano on winndannde mawnde e ko waɗaa toon, ɗoo e balɗe seeɗa.
Hoto mo luute nguu ñalngu haa teeŋti e wonɓe e diiwaan Pari. Ko to wuro Colombes, nokku ena wiyee l'Avant-Scène: 88 Rue Saint-Denis, 92700 Colombes. Jiɗɗo jokkondirde e yuɓɓinooɓe ɓee fof yoo noddu: 07 51 33 89 44.
Miss Peul 2016 e Hooreejo ASS Jontaaɗo
Miss Peul 2016 e Miss Mandinko
Eɓɓoore Miss Peul 2016
Kuɗol Ibraahiima Malal Saar
HELLO AMEN E FACEBOOK - Yantu e yiɗɓe Pulaagu.com to Facebook!
Niiwto ngol-ɗoo dokkol QR ngam yahde to hello Pulaagu e FACEOOK!
Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...
ON NJAARAAMA FULƁE...
* * * * *Reentino e tummbitagol binndanɗe jaltooje e lowre Pulaagu.com * * * * *
Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.
Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.
(0 vote)
© 2001-2012 LOWRE PULAAGU.COM - Tous droits réservés -
Jokkondiral: Tel: +33 977 217 257 - Fax: +33 276 807 617 - info [at] lowre-pulaagu.com - Skype: LOWRE PULAAGU.COM - PULAAGU.COM e Facebook